പാലക്കാട്:ചിറ്റൂർ-കമ്പിളി ചുങ്കം റോഡിലുള്ള കൽവർട്ടിനു സമീപം പൊതു സ്ഥലത്ത് വെച്ച് 35 ലിറ്റർ കൊള്ളുന്ന രണ്ട് കന്നാസുകളിലായി 70 ലിറ്റർ സ്പിരിറ്റ്‌ പിടികൂടി. കമ്പിളിചുങ്കം,പാലപ്പള്ളം ഭാഗങ്ങളിൽ വെച്ച് ചെറു വാഹനങ്ങളിൽ സ്പിരിറ്റ്‌ കൊണ്ടുവന്നു കൈമാറുന്നുണ്ടെന്ന് പാലക്കാട് ഐബി ഇൻസ്പെക്ടർ നൗഫലിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ പാലക്കാട് ഐബി പാർട്ടിയും, ചിറ്റൂർ റേഞ്ച് ഇൻസ്പെക്ടറും പാർട്ടിയും സംയുക്തമായി നടത്തിയ പരിശോധനയിലാണ് ഇവ കണ്ടെത്തിയത്.പരിശോധന സമയം ഈ സ്ഥലത്ത് പെട്ടെന്ന് ബൈക്ക് എടുത്ത് മാറിപ്പോയവരെ കുറിച്ച് അന്വേഷണം നടത്തിവരുന്നു.
പാർട്ടിയിൽ പാലക്കാട് ഐബി ഇൻസ്പെക്ടർ നൗഫൽ. എൻ, ചിറ്റൂർ റേഞ്ച് ഇൻസ്പെക്ടർ ബാലഗോപാലൻ. S, പാലക്കാട് ഐബിയിലെ അസിസ്റ്റന്റ് എക്സൈസ് ഇൻസ്പെക്ടർമാരായ ഓസ്റ്റിൻ KJ, സുരേഷ് RS, വിശ്വകുമാർ TR, സുനിൽകുമാർ VR, പ്രസാദ് K, ചിറ്റൂർ റേഞ്ചിലെ അസിസ്റ്റന്റ് എക്സൈസ് ഇൻസ്പെക്ടർ ഫ്രാൻസിസ് CJ, പ്രിവന്റീവ് ഓഫീസർ ഗുരുവായൂരപ്പൻ, സിവിൽ എക്സൈസ് ഓഫീസർ സന്തോഷ് കുമാർ, ഡ്രൈവർ ശെൽവകുമാർ എന്നിവർ ഉണ്ടായിരുന്നു.
