പാലക്കാട്:വോട്ടിങ് പ്രോത്സാഹിപ്പിക്കുന്നതിൻ്റെ ഭാഗമായി സ്വീപ്പ് പ്രവർത്തനങ്ങളുടെ പാലക്കാട് ജില്ലാതല ഉദ്ഘാടനം സംസ്ഥാന ചീഫ് ഇലക്ടൽ ഓഫീസർ പ്രണബ് ജ്യോതി നാഥ് ഉദ്ഘാടനം ചെയ്തു. കല്‍പ്പാത്തിപ്പുഴയുടെ തീരത്ത് നടന്ന പരിപാടിയിൽ ജില്ലാ കളക്ടർ ഡോ. എസ്. ചിത്ര പ്രതിജ്ഞ ചൊല്ലിക്കൊടുത്തു. ഇലക്ഷൻ ഗാനത്തോടെ ആരംഭിച്ച പരിപാടിയിൽ ദീപാലങ്കാരങ്ങള്‍ ഒരുക്കിയിരുന്നു. പ്രദേശവാസികളും കുട്ടികളും അടക്കം നിരവധി പേര്‍ പരിപാടിയുടെ ഭാഗമായി.
സ്വീപ്പ് നോഡല്‍ ഓഫീസറും, ഇറിഗേഷന്‍ വകുപ്പ് ഫിനാന്‍ഷ്യല്‍ അസിസ്റ്റന്റുമായ റിബിന്‍ രാജ് , ആർ.ഡി.ഒ. എസ് ശ്രീജിത്ത്, ഇലക്ഷൻ ഡെപ്യൂട്ടി കളക്ടർ എസ്. സജീദ് തുടങ്ങിയവർ പങ്കെടുത്തു.
