ഷിരൂർ: മണ്ണിടിച്ചിലിൽ കാണാതായ കോഴിക്കോട് കണ്ണാടിക്കൽ സ്വദേശി അർജുന്റെ ലോറിയും ക്യാബിനുള്ളിൽ നിന്നും മൃതദേഹവും കണ്ടെത്തി.ഗംഗാവലിപ്പുഴയിൽ ഡ്രജർ ഉപയോഗിച്ച് നടത്തിയ തിരച്ചിലിലാണ് അർജുന്റെ ലോറി കണ്ടെത്തിയത്. ലോറി തന്റേതെന്ന് ഉടമ മനാഫ് തിരിച്ചറിഞ്ഞു. ജൂലൈ 16നുണ്ടായ മണ്ണിടിച്ചിലിൽ അർജുൻ ഓടിച്ചിരുന്ന ലോറിയുൾപ്പടെ കാണാതായിരുന്നു.തുടർന്ന് മുങ്ങൽവിദഗ്ദ്ധൻ ഈശ്വർ മാൽപെയുൾപ്പടെയുള്ളവർ തിരച്ചലിന് ഇറങ്ങിയിരുന്നുവെങ്കിലും ഒന്നും കണ്ടെത്തനായിരുന്നില്ല.
