രണ്ടാഴ്ച മുമ്പും സ്ഥലത്ത് സമാനമായ സംഭവം
പാലക്കാട്: പാലക്കാട് മണ്ണാർക്കാട് മക്കണ്ണത്ത് കാട്ടുപന്നി ബൈക്കിലിടിച്ചു
പരിക്കേറ്റ് ചികിത്സയിൽ കഴിഞ്ഞിരുന്ന യുവാവ് മരിച്ചു. കോങ്ങാട് ചെറായ കൊട്ടശ്ശേരി വരപ്പാറക്കൽ രതീഷ് (42) ആണ് മരിച്ചത്.ഇന്നലെ രാത്രി ഒമ്പതരയോടെയാണ്
അപകടമുണ്ടായത്.മണ്ണാർക്കാട് നിന്ന് കോങ്ങാട്ടേക്ക് പോകുമ്പോൾ പന്നി കുറുകെ ചാടുകയായിരുന്നു.ആദ്യം വട്ടമ്പലം സ്വകാര്യ ആശുപത്രിയിലും പിന്നീട് പെരിന്തൽമണ്ണയിലും തുടർന്ന് കോഴിക്കോട് മെഡിക്കൽ കോളേജിലും പ്രവേശിപ്പിക്കുകയായിരുന്നു.മൃതദേഹം
പോസ്റ്റുമോർട്ടം നടപടികൾക്ക് ശേഷം കുടുംബത്തിനു വിട്ടു നൽകും.രണ്ടാഴ്ച മുൻപ് കാട്ടുപന്നി കുറുകെ ചാടി പരിക്കേറ്റ് മറ്റൊരു യുവാവും ഇതേ സ്ഥലത്ത് മരിച്ചിരുന്നു. പ്രദേശത്ത് അപകടങ്ങൾ തുടർ കഥയാകുന്നത്തോടെ ജനങ്ങൾ കടുത്ത ഭീതിയിലാണ്.
