പാലക്കാട്: പാലക്കാട് ഉപതെരഞ്ഞെടുപ്പിലെ ആദ്യ ഫല സൂചനകൾ പുറത്തു വരുമ്പോൾ ബിജെപി സ്ഥാനാർഥി സി. കൃഷ്ണകുമാറിനെ രണ്ടാം സ്ഥലത്തേക്ക് പിന്തള്ളി രാഹുൽ മാങ്കൂട്ടത്തിൽ ലീഡ് തിരിച്ച് പിടിച്ചു.𝟏,𝟑𝟖𝟖 വോട്ടിന്റെ നിർണായക ലീഡാണ് രാഹുൽ നേടിയത്.തുടക്കം മുതൽ ബിജെപി സ്ഥാനാർഥി സി കൃഷ്ണകുമാറാണ് ലീഡ് നിലനിർത്തിയതെങ്കിൽ മൂന്നാം റൗണ്ട് വോട്ടെണ്ണലിലേക്ക് എത്തുമ്പോൾ യുഡിഎഫ് സ്ഥാനാർഥി രാഹുൽ മാങ്കൂട്ടത്തിൽ ലീഡ് തിരിച്ച് പിടിച്ചു.നഗരസഭയിൽ കഴിഞ്ഞ തവണ ബിജെപിക്ക് ലഭിച്ചതിനേക്കാൾ 700 ഓളം വോട്ടുകളുടെ കുറവാണ് കൃഷ്ണകുമാറിന് ലഭിച്ചത്. ബിജെപി വോട്ട് കോൺഗ്രസിലേക്ക് പോയതായാണ് സൂചന.രാഹുൽ മാങ്കൂട്ടത്തിലിന് കഴിഞ്ഞ തവണ കോൺഗ്രസിന് ലഭിച്ചതിനേക്കാൾ 430 വോട്ട് കൂടിയിട്ടുണ്ട്. സിപിഎം സ്വതന്ത്ര സ്ഥാനാർത്ഥിയായ പി സരിന് 111 വോട്ടും ലഭിച്ചു. ബിജെപിക്ക് നഗരസഭയിൽ വോട്ട് കുറഞ്ഞതോടെ കോണ്‍ഗ്രസ് പ്രവർത്തകർ ആഘോഷം ആരംഭിച്ചു കഴിഞ്ഞു.
